Petőfi Sándor

June 14, 2017

Sándor Petőfi
Ĉardo ĉe la vilaĝlimo

Ĉardo ĉe la vilaĝlimo
kuŝas en river-proksimo.
Ĝi en akvo sin spegulus,
se la nokt’ ne ekobskurus.

Sed la nokto venas, venas,
bruo de la mondo svenas,
en ligita pram’ sen zumo
silentegas la mallumo.

Sed la ĉardo ne silentas,
cimbalmisto diligentas,
junaj fraŭloj krias, bruas,
ke fenestrojn tio skuas.

Hej, orfloro, hej, mastrino,
verŝu el plej bona vino,
ĝi pli aĝu ol avino,
fajru kiel amatino.

Hej, cigano, pli rapide!
Danci volas mi senbride,
danci, dum mi monon trovos,
danci, dum mi spiri povos.

La fenestron frapas iu:
,,Tiel laŭte, he, ne kriu!
La bienul’ per mi parolas.
Li jam kuŝas, dormi volas.”

,,La diablo lin akiru,
en inferon vi mem iru!
Hej, cigano, ludu spite,
eĉ se per ĉemiz’ pagite!”

Ree iu ekfrapetas:
“Pli mallaŭte, mi tre petas.
Rekompencos beno dia,
tre malsanas panjo mia.”

Senresponda bru-estingo.
El la glasoj lasta trinko.
La junuloj halton diras
al ciganoj, hejmeniras.

traduko de Kálmán Kalocsay

Ĝis la aĝo de 4 jaroj, ĝenerale ne estas malfacile lerni la gepatran lingvon. Kial? Ĉar la infano havas optimuman memoron kaj lernas pretajn frazojn sen multe pensi pri gramatikaj esceptoj. Kiam oni lernas fremdan lingvon, precipe se oni estas jam adolto, la esceptoj povas multe konfuzi. Mi montras kelkajn esceptojn de la angla gramatiko, sed ni scias tre bone ke multaj lingvoj estas eĉ pli komplikaj.

Ni komencu kun la vorto *box*; la pluralo estas *boxes*, sed la pluralo de *ox* estas *oxen* kaj ne *oxes*. Sola ansero estas *goose*, kaj 2 el ili estas *geese*, sed la pluralo de*moose* neniam estas dirita *meese*. Vi povas trovi muson=mouse kaj domon plenan de musoj= mice; sed la pluralo de *house* estas *houses* kaj ne *hice*. La pluralo de *man* estas ĉiam *men*, sed la pluralo de *pan* neniam estas *pen*. ktp…ktp.

Foje dependas ankaŭ de la instruisto sed por lerni fremdan lingvon sen serioza interesiĝo estas preskaŭ neeble eĉ en la plej favoraj kondiĉoj. En ĉiuj kazoj lingvolernado estas malfacila laboro. Kiel vi povas vidi per la sekva ligilo, la rezultoj plejparte ne estas kontentigaj: http://www.facebook.com/ievgendudi/videos/477460779099823/
————————————————————
@@@@@@@@@@@@@@@@@@@@@@@@@@@@@@@@@@@@

Bonvolu legi kion pensas Mahatma Gandi pri la gepatra lingvo.

https://fabigen.wordpress.com/parolado-de-mahatma-gandi/
——
@@@@@@@

Se vi perdis kontakton kun la esperanta forumo SCEo, (soc.culture.esperanto)
Bonvolu provi per ĉi tiu ligilo:
http://groups.google.com/forum/#!forum/soc.culture.esperanto